Thumbnail

ნახეთ: მადონასა და მალუმას პერფორმანსი, რომელიც $5 მილიონი დაჯდა

ბადრი კობიაშვილი პროფილის ფოტო
ბადრი კობიაშვილი

ლეგენდარულმა ამერიკელმა არტისტმა, მადონამ ყოველწლიურ დაჯილდოებაზე Billboard Music Awards იმღერა. მუსიკოსმა ახალი კომპოზიცია Medellín კოლუმბიელ მალუმასთან ერთად შეასრულა. პერფორმანსმა, რომელიც, გამოცემა TMZ-ის ცნობით, 5 მილიონი აშშ დოლარი დაჯდა, მაყურებელთა მოწონება დაიმსახურა.

► ნახეთ: 2019 წლის Billboard Music Awards-ის გამარჯვებულები

► ნახეთ, რა ეცვათ ვარკვლავებს 2019 წლის ბილბორდის მუსიკალურ დაჯილდოებაზე

► ნახეთ: ტეილორ სვიფტმა ბილბორდის დაჯილდოებაზე სიმღერა ME! შეასრულა

5-წუთიან გამოსვლაში ჰოლოგრამა და კომპიუტერული სპეცეფექტები იყო გამოყენებული, რამაც პერფორმანსი ეფექტური და დასამახსოვრებელი გახადა.  

კომპოზიცია Medellín პოპის დედოფალმა აპრილში გამოუშვა. სიმღერა მადონას რიგით მე-14 ალბომში Madame X შევა, რომელიც გაყიდვაში 14 ივნისს ჩაეშვება.

მადონა ლუიზა ჩიკონე, 300 მილიონზე მეტი გაყიდული ალბომით, მსოფლიოში ყველაზე წარმატებული ქალი მუსიკოსია. 2004 წელს Rolling Stone-მა ის ყველა დროის 100 საუკეთესო არტისტს შორის 36-ე პოზიციაზე დაასახელა. 7 გრემისა და 2 ოქროს გლობუსის მფლობელი შემსრულებელი თანამედროვე პოპ კულტურის ერთ-ერთ უმნიშვნელოვანეს ფიგურად რჩება. 2015 წელს მადონამ ბოლო სტუდიური ნამუშევარი Rebel Heart გამოუშვა. ჩანაწერში შესული სიმღერა Bitch I'm Madonna ბილბორდის ჩარტის ლიდერი გახდა.

კომენტარები

ბოლოს დამატებული