Thumbnail

მადონა ევროვიზია 2019-ზე ახალ სიმღერას შეასრულებს

პაატა ხარატიშვილი პროფილის ფოტო
პაატა ხარატიშვილი

ამერიკელი პოპვარსკვლავი მადონა 2019 წლის ევროვიზიის კონკურსზე იმღერებს. ლეგენდარული მომღერლის წარმომადგენლებმა დაადასტურეს, რომ 18 მაისს თელ ავივში, ღონისძიების ფინალურ დღეს, ის ორ კომპოზიციას შეასრულებს. ცნობილია აგრეთვე ის, რომ ერთი-ერთი სიმღერა მუსიკოსის ახალი ნამუშევარი იქნება.

გავრცელებული ინფორმაციით, მადონა ევროვიზიის სცენაზე გამოსვლის სანაცვლოდ 1 მილიონ აშშ დოლარს მიიღებს. თანხას ებრაელი მილიარდერი, ბიზნესმენი სილვენ ადამსი გადაიხდის.

მადონა ლუიზა ჩიკონე, 300 მილიონზე მეტი გაყიდული ალბომით, მსოფლიოში ყველაზე წარმატებული ქალი მუსიკოსია. 2004 წელს Rolling Stone-მა ის ყველა დროის 100 საუკეთესო არტისტს შორის 36-ე პოზიციაზე დაასახელა. 7 გრემისა და 2 ოქროს გლობუსის მფლობელი შემსრულებელი თანამედროვე პოპ კულტურის ერთ-ერთ უმნიშვნელოვანეს ფიგურად რჩება. 2015 წელს მადონამ ბოლო სტუდიური ნამუშევარი Rebel Heart გამოუშვა. ჩანაწერში შესული სიმღერა Bitch I'm Madonna ბილბორდის ჩარტის ლიდერი გახდა.

კომენტარები

ბოლოს დამატებული