ფოტოგალერეა: 10 ყველაზე ცუდად ჩაცმული მუსიკოსი Grammy-ის დაჯილდოებაზე

მუსიკოსებმა კარგად იციან, რომ წითელ ხალიჩაზე გამოჩენით შესაძლოა, დიდი კრიტიკა დაიმსახურონ. ამიტომაც, ისინი ყოველწლიურად ცდილობენ, დაჯილდოებებისთვის სამოსი დაკვირვებით შეარჩიონ. იმის მიუხედავად, რომ არტისტები ცნობილ დიზაინერებს მიმართავენ და ძვირადღირებული კაბებისთვის ფული არ ენანებათ, მათი ძალისხმევა ყოველთვის წარმატებით არ სრულდება.

► ნახეთ, რა ეცვათ ვარსკვლავებს 2019 წლის Grammy-ის დაჯილდოებაზე

► ფოტოგალერეა: 25 გამორჩეული ჩაცმულობა Grammy-ის ისტორიაში

► ნახეთ: Grammy 2019-ის გამარჯვებულები ცნობილია

წარმოგიდგენთ 2019 წლის გრემიზე ყველაზე ცუდად ჩაცმულ მუსიკოსებს, რომლებიც არაერთი მედიის რისხვისა და სარკაზმის მსხვერპლი გახდნენ. 

Jennifer Lopez

ჯენიფერ ლოპესი დაჯილდოებებზე ელეგანტური ჩაცმულობით ყოველთვის გამოირჩევა. წელს კი "რალფ & რუსოს" კაბაში გამოწყობილმა არტისტმა მოდის ჟურნალისტების კრიტიკა დაიმსახურა.

Ashanti

ამერიკელმა პოპვარსკვლავმა, აშანთიმ შარშან თავი იმით შეგვახსენა, რომ ერთ-ერთ კონცერტზე მხოლოდ 24 ბილეთი გაყიდა. წელს კი მუსიკოსმა მედიის ყურადღება გრემისთვის შერჩეული ცუდი კაბით მიიქცია. 

Andrea Echeverri

კოლუმბიური როკ ჯგუფის, Aterciopelados-ის ერთ-ერთმა წევრმა, ანდრეა ეჩევერიმ 2019 წლის გრემიზე ყველაზე ეპატაჟურად ჩაცმული არტისტის სტატუსი უდაოდ დაიმსახურა. 

Shawn Everett

ამერიკელი პროდიუსერი, შონ ევერეტი ცერემონიაზე ტყავის სამოსში გამოწყობილი მივიდა. მუსიკოსის ჩაცმულობამ არაერთ ადამიანს ღიმილი მოჰგვარა.

Katy Perry

სიტუაცია, როდესაც "ბალმანის" ძვირადღირებული კაბა გაცვია, მაგრამ ყველაზე ცუდად ჩაცმულ არტისტებს შორის მაინც გასახელებენ. კეტი პერის წელს არ გაუმართლა. 

Tayla Parx

ტეილა პარკს ვარდისფერი კაბა და კედები ნამდვილად არ უხდებოდა. 

Joy Villa

მომღერალმა ჯოი ვილამ თავისი ჩაცმულობით აშშ-ის პრეზიდენტის, დონალდ ტრამპის მიმართ მხარდაჭერა გამოხატა. აღსანიშნავია, რომ ხელჩანთაზე მას პოლიტიკოსის ცნობილი საარჩევნო სლოგანი Make America Great Again ეწერა. 

Andra Day

ანდრა დეის ჩაცმულობამ არაერთ ადამიანს ჰელოუინის დღესასწაული გაახსენა. 

Tierra Whack

კრიტიკოსებს არც რეპერ თიერა ვეკის კაბა გამოჰპარვიათ. 

Meghan Trainor

იმის მიუხედავად, რომ მეგანის კაბა ლამაზი და ელეგანტურია, მუსიკოსს მაინც არ მოუხდა.