ფოტოგალერეა: Jennifer Lopez-ის 20 გამორჩეული ჩაცმულობა

ამერიკელი სუპერვარსკვლავი ჯენიფერ ლოპესი აქტუალურობას დღემდე არ კარგავს. მის ახალ ნამუშევრებს მილიონობით თაყვანისცემელი მოუთმენლად ელის. 49 წლის მომღერალი ელეგანტური ჩაცმის სტილითაც გამოირჩევა. დაჯილდოებებისა და გლამურული საღამოების წითელ ხალიჩებზე შემსრულებლის გამოჩენა მედიისა და მოდის კრიტიკოსების ყურადღებას მუდმივად იქცევს.

► ნახეთ: Jennifer Lopez-მა და Bad Bunny-მ სიმღერაზე Te Guste ვიდეოკლიპი გადაიღეს

► ნახეთ: ჯენიფერ ლოპესი ჟურნალ InStyle-ის ფოტოსესიაში

► ნახეთ: Jennifer Lopez-ი კომპოზიციის Dance Again შესრულებისას წაიქცა

გადავწყვიტეთ, ჯეილოს 20 გამორჩეული ჩაცმულობა წარმოგიდგინოთ, რომელიც არტისტის სხეულის მიმზიდველ ფორმებს უსვამს ხაზს.

2014 წელს ბილბორდის მუსიკალურ დაჯილდოებაზე დონა კარანის წითელ საღამოს კაბაში გამოწყობილმა მუსიკოსმა ჟურნალისტების ყურადღება მალევე მიიქცია.

VMA-ის წითელი ხალიჩისთვის ჯეილომ ლიბანელი დიზაინერის, შარბელ ზოეს კაბა შეარჩია.

2000 წელს ჯენიფერი გრემის დაჯილდოებაზე დონატელა ვერსაჩეს დიზაინით შექმნილ კაბაში გამოჩნდა. იმავე წელს სამოსი ინგლისის ქალაქ ბასში მდებარე მოდის მუზეუმში გამოფინეს.

2012 წლის ოსკარის დაჯილდოებისთვის მოწყობილ წითელ ხალიჩაზე მუსიკოსი ზუჰაირ მურადის ვერცხლისფერ კაბაში მივიდა.

2015 წელს ბილბორდის მუსიკალურ დაჯილდოებაზე ლოპესი შარბელ ზოეს კაბაში გამოწყობილი გამოცხადდა.

2015 წელს Tony Awards-ის დაჯილდოების ცერემონიაზე სუპერვარსკვლავს "ვალენტინოს" ლურჯი კაბა ეცვა.

2016 წლის ოქროს გლობუსის დაჯილდოების წითელ ხალიჩაზე ჟანბატისტა ვალის ყვითელ კაბაში ჯეილო ყველასგან გამოირჩეოდა.

ქართველი დავით კომახიძე, იგივე დევიდ კომა, ჯენიფერის ერთ-ერთი საყვარელი დიზაინერია. უნდა აღინიშნოს, რომ მომღერალს კომას საღამოს კაბები განსაკუთრებით უხდება.

რიგით 55-ე გრემის დაჯილდოებაზე ენტონი ვაკარელოს შავ კაბაში ამერიკელი ბრწყინვალედ გამოიყურებოდა.

ოქროს გლობუსის რიგით 75-ე დაჯილდოებაზე ლოპესი ზუჰაირ მურადის სამოსში გამოწყობილი გამოჩნდა. 

2014 წელს ბერქლეის ცენტრში გამართულ საღამოზე "ვერსაჩეს" შავ კაბაში გამოწყობილმა შემსრულებელმა ფოტოგრაფების ყურადღება მალევე მიიქცია.

შარშან გამართულ "მეთ გალაზე" ჯენიფერმა არჩევანი 60-იანი წლების მოდით შთაგონებულ "ვალენტინოს" კაბაზე შეაჩერა. 

რიგით 82-ე ოსკარის დაჯილდოების ცერემონიაზე მუსიკოსი "არმანის" კაბაში გამოწყობილი მივიდა. 

შარშან გრემის დაჯილდოებაზე პოპვარსკვლავს Ralph and Russo-ს საღამოს კაბა ეცვა.

2017 წელს ბილბორდის ლათინური მუსიკის დაჯილდოებაზე ჯულიენ მაკდონალდის კაბაში ჯეილო სექსუალურად გამოიყურებოდა.

2015 წელს პოპულარული შოუს American Idol-ის ფარგლებში გამართული ფოტოსესიისთვის მას "ბლუმარინის" მოდის სახლის კაბა ეცვა.

2017 წელს People's Choice Awards-ზე არტისტი ლიბანელი დიზაინერის, რიმ აქრას კაბაში გამოწყობილი გამოჩნდა.

რიგით 87-ე ოსკარის ცერემონიაზე ლოპესს ელი სააბის საღამოს კაბა ეცვა.

2011 წლის  BAFTA-ზე ფოტოგრაფების წინაშე პოპვარსკვლავი "ემილიო პუჩის" კაბაში გამოწყობილი პოზირებდა.

წლევანდელი "მეთ გალასთვის" სუპერვარსკვლავმა "ბალმანის" კაბა შეარჩია. 

ჯენიფერ ლოპესს კარიერის განმავლობაში 75 მილიონი ჩანაწერი აქვს გაყიდული. მსოფლიო პოპულარობა ვარსკვლავს სადებიუტო სინგლმა If You Had My Love მოუტანა. 1999 წელს სიმღერა მუსიკალური ჩარტებისა და გაყიდვების ლიდერი გახდა.