Thumbnail

მოუსმინეთ: ერეკლე დეისაძემ და მაია დარსმელიძემ Smells Like Teen Spirit დააქავერეს

პაატა ხარატიშვილი პროფილის ფოტო
პაატა ხარატიშვილი

პოპულარული მუსიკოსი, მაია დარსმელიძე ლეგენდარული ამერიკული გრანჟ კოლექტივის Nirvana ჰიტის Smells Like Teen Spirit ქავერ ვერსიას ავრცელებს, რომელსაც მასთან ერთად ერეკლე დეისაძე ასრულებს. კომპოზიცია ორი წლის წინ, ერთ-ერთი მუსიკალური სატელევიზიო პროექტისთვისაა ჩაწერილი, რომელიც საბოლოოდ ეთერში არ გავიდა. 

► მოუსმინეთ: ერეკლე დეისაძე - ჭ-ამენ

ჯგუფმა Nirvana სიმღერის ორიგინალი ვერსია 1991 წელს გამოუშვა. კომპოზიცია კოლექტივის რიგით მეორე სტუდიურ ალბომში Nevermind არის წარმოდგენილი. ჩანაწერის ვიდეორგოლმა ბენდს MTV Video Music Awards-ის ორი ჯილდო მოუტანა. უფრო დეტალურად მის შესახებ popmusic-ის მიერ მომზადებულ სტატიაში შეგიძლიათ წაიკითხოთ.

სიმღერის ისტორია: Smells Like Teen Spirit

მწერალმა და მუსიკოსმა, ერეკლე დეისაძემ შემოქმედებითი კარიერა პროექტით "ეკო და პარალელური თაობა" დაიწყო, 2012 წელს კი პანკ-ჯგუფი "40 კილომეტრში" დააარსა. 2015 წელს გამოვიდა მისი სადებიუტო სოლო ალბომი "იარე“. აღსანიშნავია დეისაძის კიდევ ერთი პროექტი Eko & Vinda Folio, რომლის სადებიუტო ალბომი "თერაპია" 2019 წელს ფრანგულ ლეიბლზე Talitres გამოიცა. არტისტის, ხშირ შემთხვევაში, ეპატაჟური ნამუშევრები სოციალურ-პოლიტიკურ დატვირთვას ატარებს და საზოგადოების არაერთგვაროვან რეაქციას იწვევს. მისი ყველაზე პოპულარული სიმღერებია "შენი ფანჯრიდან", "რაც მამას უნდა" და "ხალხური".

მაია დარსმელიძემ კი შემოქმედებითი კარიერა 2000-იანი წლების დასაწყისში დაიწყო. მუსიკოსმა მსმენელებს თავი სტეფანე მღებრიშვილთან ერთად ჩაწერილი კომპოზიციით "ხელები" დაამახსოვრა. არტისტი ამჟამად საკუთარ ბენდთან ერთად პროექტით MaoBand მოღვაწეობს.

კომენტარები

ბოლოს დამატებული