Thumbnail

ნახეთ: რა აჩუქა ბიონსემ საახალწლოდ ოჯახის წევრებსა და მეგობრებს

ბექა ჯიქურაშვილი პროფილის ფოტო
ბექა ჯიქურაშვილი

ამერიკელმა პოპვარსკვლავმა, ბიონსემ თავის ოჯახის წევრებსა და მეგობრებს საახალწლოდ ოქროს ყელსაბამები დაურიგა, რომელთა დიზაინზეც თავად იზრუნა. ფოტოები სოციალურ ქსელში მუსიკოსის დედამ და დეიდაშვილმა გაავრცელეს.

Beyoncé-სა და Jay-Z-ის 8 წლის შვილი, ბლუ აივი გრემის ნომინანტია

ბიონსე: 80 000 ფუტკარი მყავს და ასობით ქილა თაფლს ვიღებ

"ბიონსემ საყვარელ ადამიანებს ეს არაჩვეულებრივი ყელსაბამი აჩუქა, რომლის დიზაინიც 2020 წელს შუა თითს აჩვენებს. როდესაც საჩუქარი გავხსენი, თვალები ამიცრემლიანდა - ის სასაცილოცაა და სენტიმენტალურ განცდებსაც იწვევს. იმედი მაქვს, 2021 წელი სამყაროსთვის კარგი იქნება", - წერს ბიონსეს დეიდაშვილი ენჯი ინსტაგრამის გვერდზე.

"საახალწლო საჩუქარი ბიონსესგან. წელი თითქმის დასრულდა და ჯერ ისევ ცოცხლები ვართ. ღმერთო, კარგად გვამყოფე", - წერს ინსტაგრამზე ბიონსეს დედა.

ბიონსე ნოულს-კარტერი თანამედროვეობის ერთ-ერთი ყველაზე წარმატებული მუსიკოსია. 24 გრემის მფლობელ არტისტს 100 მილიონი ჩანაწერი აქვს გაყიდული. არაერთი ჰიტის ავტორს განსაკუთრებული პოპულარობა კომპოზიციებმა Single Ladies, Crazy In Love, Irreplaceable და Formation მოუტანა.

კომენტარები

ბოლოს დამატებული