Thumbnail

მაიკლ ჯექსონის რანჩო $22 მილიონად გაიყიდა - ახალი მფლობელის ვინაობა ცნობილია

მარიამ ნამგალაძე პროფილის ფოტო
მარიამ ნამგალაძე

კალიფორნიაში მდებარე ცნობილი "ნევერლენდის" რანჩო, სადაც ლეგენდარული ამერიკელი მუსიკოსი, მაიკლ ჯექსონი ცხოვრობდა, 22 მილიონ დოლარად გაიყიდა. გაზეთ The Wall Street Journal-ის ინფორმაციით, მისი მფლობელი კერძო საინვესტიციო კომპანიის Yucaipa Companies თანადამფუძნებელი, 68 წლის მილიარდერი, რონ ბურკლი გახდა, რომელიც, გამოცემა TMZ-ის ცნობით, წარსულში ჯექსონის ბიზნესმრჩეველიც იყო. თავად არტისტმა რანჩო 1987 წელს $19,5 მილიონად შეიძინა. მისი გარდაცვალებიდან რამდენიმე წელიწადში, 2015 წელს, სახლი უძრავი ქონების ბაზარზე გაიტანეს, მაშინ ის 100 მილიონ დოლარად იყო შეფასებული.

ნახეთ: რეპერი Daeshard მაიკლ ჯექსონის რანჩოში შეიჭრა და კლიპი გადაიღო

ჯექსონის მცველს ჰკითხეს, ნამდვილად იყო თუ არა რანჩოში საიდუმლო ოთახი ბავშვებისთვის

მაიკლ ჯექსონი, ფი დიდი და რონ ბარკლი MTV Movie Awards-ის შემდგომ გამართულ წვეულებაზე

10 926 კვ.მ. ფართობის ტერიტორია მაიკლ ჯექსონის წარმომადგენლებისა და კომპანია Colony Capital-ის თანამფლობელობაში იყო, რომელსაც საკუთრების უფლება ფინანსურ კრიზისში მყოფმა არტისტმა ჯერ კიდევ 2008 წელს გაუნაწილა. რანჩოს ტერიტორიაზე მოწყობილია გასართობი პარკი, რკინიგზა, ხელოვნური ტბა, ხიდები, ჩოგბურთის კორტი და ა.შ.

სიკვდილიდან 11 წლის შემდეგ ჯექსონი ყოველთვიურად მილიონობით დოლარს გამოიმუშავებს

მაიკლ ჯექსონმა შემოქმედებითი კარიერა ძმებთან ერთად, ჯგუფში Jackson 5 დაიწყო. მსოფლიოში გაყიდული 350 მილიონზე მეტი ჩანაწერით, ის ყველა დროის ერთ-ერთ ყველაზე წარმატებულ მუსიკოსად ითვლება. 2009 წელს გარდაცვლილი არტისტი დღემდე პოპ შემსრულებლის ეტალონად რჩება და ათასობით ხელოვანისთვის შთაგონების წყაროს წარმოადგენს.

კომენტარები

ბოლოს დამატებული