Thumbnail

ერთი წლის წინ ნარკოტიკების ზედოზირებით გარდაცვლილი არტისტის, ჯარად ჰიგინსის, ფსევდონიმით Juice WRLD, იუთუბის არხზე ახალი კომპოზიცია Real Shit გავრცელდა. ჩანაწერში ცნობილი პროდიუსერი, ბენი ბლანკო მონაწილეობს. ტრეკი ჯუსის დაბადების დღეზე გამოქვეყნდა.

ნახეთ: Juice WRLD და The Weeknd ანიმაციურ კლიპში Smile

ჰიგინსმა მუსიკალური კარიერა 2015 წელს დაიწყო. ის ფართო საზოგადოებამ 2017 წლის სადებიუტო მიქსტეიპით "9 9 9" გაიცნო. 2018 წელს რეპერმა გაყიდვაში პირველი ალბომი Goodbye & Good Riddance ჩაუშვა. სტუდიური ჩანაწერის მთავარი სინგლი პლატინის სტატუსის მფლობელი კომპოზიცია Lucid Dreams გახლავთ. შემსრულებელს ისეთ მუსიკოსებთან უთანამშრომლია, როგორებიც არიან: ნიკი მინაჟი, ტრევის სკოტი და სხვები. 2019 წლის 8 დეკემბერს მუსიკოსი ოპიოიდური პრეპარატების, კოდეინისა და ოქსიკოდონის ზედოზირებამ იმსხვერპლა. გარდაცვალების შემდეგ ჯუსის წარმომადგენლებმა მისი სტუდიური ნამუშევარი Legends Never Die გამოაქვეყნეს.

გაზიარება

კომენტარები

ბოლოს დამატებული