Thumbnail

ნახეთ, რა ეცვათ მუსიკოსებს American Music Awards-ის ცერემონიაზე

ლოს ანჯელესში, მაიკროსოფტის თეატრში 2020 წლის ამერიკული მუსიკის დაჯილდოება (AMA) ჩატარდა. კორონავირუსის პანდემიის გამო დაწესებული შეზღუდვების გამო ცერემონიას მცირე აუდიტორია დაესწრო, რომელსაც შენობაში შესვლამდე დაავადებაზე ტესტირება ჩაუტარდა. შესაბამისად წითელ ხალიჩაზე კამერების წინ პოზირება მხოლოდ რამდენიმე შემსრულებელმა შეძლო. ღონისძიების მონაწილე ზოგიერთი მუსიკოსი კი მხოლოდ სცენაზე გამოსვლით შემოიფარგლა.

► ნახეთ: 2020 წლის American Music Awards-ის გამარჯვებულები

► ნახეთ: ბილი აილიშმა Therefore I Am ცოცხლად პირველად შეასრულა

გთავაზობთ American Music Awards-ის ცერემონიაზე მისული მუსიკოსების ფოტოებს.

Dua Lipa

ბრიტანელმა შემსრულებელმა, დუა ლიპამ ღონისძიებისთვის ზღვის ვარსკვლავების გამოსახულების მქონე კაბა შეარჩია.

Bebe Rexha

ამერიკელმა მომღერალმა, ბიბი რექსამ ჯულიენ მაკდონალდის საღამოს კაბა ჩაიცვა.

Doja Cat

მუსიკოსმა, რომელმაც დაჯილდოებაზე საუკეთესო ახალბედა არტისტის ნომინაციაში გაიმარჯვა, ყავისფერ სამოსს მუქი იასამნისფერი ფეხსაცმელი შეუხამა. მის ჩაცმულობას მოდის კრიტიკოსების დიდი მოწონება არ დაუმსახურებია.

Machine Gun Kelly

კლივლენდელი მუსიკოსი, მეშინ გან ქელი ცერემონიაზე თავის შეყვარებულთან, მსახიობ მეგან ფოქსთან ერთად მივიდა. ამ უკანასკნელმა Azzi & Osta-ს მუქი მწვანე ზედა და მოკლე ქვედაბოლო ჩაიცვა, თავად ქელი კი Dsquared2-ის ჩექმებითა და თეთრი სამოსით წარდგა.

Ciara

არენბი შემსრულებელმა, სიარამ წითელ შლეიფიან კაბას სტიუარტ ვაიტზმენის მაღალყელიანი ჩექმები და ჯენიფერ მეიერის სამკაულები შეუხამა.

Jennifer Lopez

ჯეილომ საღამოსთვის Balmain-ის ვერცხლისფერი მბზინავი სამოსი მოირგო, ხელში "ბალმანისვე" ხელჩანთა დაიჭირა, სამკაული კი Luminous Diamonds-ის გაიკეთა.

Megan Thee Stallion

მეგანი საუკეთესო ჰიპ ჰოპ კომპოზიციის კატეგორიაში გამარჯვების შემდეგ, სამადლობელი სიტყვის წარმოთქმისას, სცენაზე ნეონისფერი კაბით გავიდა.

Weeknd

კანადელი არენბი შემსრულებელი, უიქენდი საღამოს წითელ ხალიჩაზე თავისი ბოლო ალბომის After Hours ესთეტიკით წარდგა.

Lil Baby

რეპერი ლილ ბეიბი კი ამერიკული მუსიკის დაჯილდოებაზე ტრადიციულად სპორტული სამოსით მივიდა.

 

კომენტარები

ბოლოს დამატებული