Thumbnail

ვარსკვლავები, რომლებმაც ჯენიფერ ლოპესის საკულტო, Versace-ს კაბის შთაგონებით ჩაიცვეს

მარიამ ნამგალაძე პროფილის ფოტო
მარიამ ნამგალაძე

იტალიელმა დიზაინერმა, დონატელა ვერსაჩემ 2000 წლის შემოდგომა/ზაფხულის კოლექციის ჩვენების დახურვა ამერიკელ მოდელს, ემბერ ვალეტას ანდო, რომელსაც მწვანე, ტროპიკული მცენარეების პრინტის მქონე კაბა მოარგო. ეს მომენტი მხოლოდ მოდის მოყვარულების მეხსიერებაში დარჩებოდა, რომ არა პოპვარსკვლავი ჯენიფერ ლოპესი, რომელიც ხუთი თვის შემდეგ ამავე სამოსით გამოჩნდა გრემის დაჯილდოებაზე.

ნახეთ: ჯენიფერ ლოპესმა ჰელოუინზე მადონა განასახიერა

ჯენიფერ ლოპესი: წლების შემდეგ მივხვდი, რას ნიშნავს საკუთარი თავის სიყვარული

დონატელა ვერსაჩე და ემბერ ვალეტა

იმას, რომ საქმე არა მხოლოდ კაბაში, არამედ იმ ადამიანში იყო, ვისაც ის ეცვა, მოწმობს ისიც, რომ მანამდე სამოსი რამოდენიმე დაჯილდოების წითელ ხალიჩაზე აღბეჭდეს კამერებმა, თუმცა, კაბაზე ყველა მაშინ ალაპარაკდა, როცა ჯეილომ მოირგო. კადრების ხილვის შემდეგ იმდენმა ადამიანმა სცადა ინტერნეტში მისი პოვნა, რომ, Google-ის იმჟამინდელი აღმასრულებელი დირექტორის, ერიკ შმიდტის თქმით, სისტემაში სურათით ძებნის ფუნქციის შექმნის იდეა გაჩნდა.

ჯეილო გრემის დაჯილდოებაზე

წლების განმავლობაში მომღერლის ამ საკულტო გამოჩენის შთაგონებით არაერთი ვარსკვლავი შეიმოსა.

Donatella Versace

ჩვენებიდან რამდენიმე თვის შემდეგ, მსგავსი კაბით თავად დონატელა გამოჩნდა Met Gala-ს წითელ ხალიჩაზე.

Geri Halliwell

ბრიტანელი მომღერალი, ჯერი ჰალიუელი კიდევ ერთი ცნობილი სახე იყო, რომელმაც თითქმის იდენტური სამოსი ჯეილომდე, 2000 წლის იანვარში, NRJ Music Awards-ის დაჯილდოებაზე მოირგო.

Trey Parker

ამერიკელმა მსახიობმა, ტრეი პარკერმა კი მსგავსი სამოსით გამოჩენა 2000 წლის ოსკარების ცერემონიაზე მას შემდეგ გადაწყვიტა, რაც გრემიზე ჯეილოს გამოჩენას უკვე გამოწვეული ჰქონდა ამ კაბის ირგვლივ აჟიოტაჟი.

Lisa Rinna

ამერიკელი მსახიობი, ლისა რინა 2019 წელს ჰელოინის წვეულებაზე გამოჩნდა ამ კოსტიუმით.

Tyra Banks

"ვერსაჩეს" კაბის შთაგონებით შექმნილი სამოსით წარდგა გადაცემის Dancing with the Stars ჩაწერაზე ამერიკელი ტელევარსკვლავი, ტაირა ბენქსი.

Jennifer Lopez

აღსანიშნავია, რომ დონატელა ვერსაჩემ კაბის რეტროსპექტივა შექმნა და ის თავად ჯეილოს მოარგო, რომელმაც სწორედ ამ სამოსით დახურა მილანის მოდის კვირეულზე "ვერსაჩეს" 2020 წლის გაზაფხული/ზაფხულის კოლექციის ჩვენება.

Bill Hader

2019 წელს გადაცემაში Saturday Night Live სტუმრად მყოფ ჯეილოს კი მსგავს კაბაში გამოწყობილი კომიკოსი, ბილ ჰედერი დახვდა.

ჯენიფერ ლოპესს კარიერის განმავლობაში 80 მილიონი ჩანაწერი აქვს გაყიდული. 2013 წელს მუსიკოსს ჰოლივუდის დიდების ხეივანში ვარსკვლავი გაუხსნეს. 2018 წელს კი გამოცემა Time-მა ის მსოფლიოში ყველაზე გავლენიან 100 ადამიანს შორის დაასახელა. არტისტს განსაკუთრებული წარმატება კომპოზიციებმა: If You Had My Love, Jenny from the Block, Papi და On The Floor მოუტანა. 2020 წელს ჯეილო აშშ-ის ნაციონალური საფეხბურთო ლიგის ფინალური მატჩის, Super Bowl-ის ტაიმებს შორის შესვენებაზე გამართული გრანდიოზული შოუს ერთ-ერთი ჰედლაინერი იყო.

კომენტარები

ბოლოს დამატებული