ნახეთ, რა ეცვათ მუსიკოსებს MTV Europe Music Awards-ის წითელ ხალიჩაზე

8 ნოემბერს მუსიკალური ღონისძიება MTV Europe Music Awards-ის 27-ე ცერემონია გაიმართა. კორონავირუსის პანდემიის გამო დაჯილდოება ვირტუალურად ჩატარდა, წითელი ხალიჩა კი რამდენიმე ლოკაციაზე მოეწყო. ცნობილი დიზაინერების სამოსში გამოწყობილი მუსიკოსები კამერებმა ლოს ანჯელესში, მაიამიში, ლონდონსა და სხვა ქალაქებში აღბეჭდეს. 

► ნახეთ: 2020 წლის MTV Europe Music Awards-ის გამარჯვებულები

► ნახეთ, რა ეცვათ ცნობილ მუსიკოსებს ჰელოუინზე

Alicia Keys

ცნობილი არენბი შემსრულებელი, ალიშა ქისი არაერთმა გამოცემამ დაასახელა საღამოს საუკეთესოდ ჩაცმულ ვარსკვლავებს შორის. 

Alicia Keys

ლოს ანჯელესში მყოფმა არტისტმა სცენაზე გამოსვლისას თვლებით გაფორმებული ნიღაბიც მოირგო.

Rita Ora

Giambattista Valli-ს ყვითელ კაბაში გამოწყობილმა ბრიტანელმა პოპვარსკვლავმა, რიტა ორამ ლონდონში მოწყობილ წითელ ხალიჩაზე გაიარა.

Doja Cat

პოპულარული კალიფორნიელი არტისტი, ამალარატნა დლამინი კამერებმა ლოს ანჯელესში აღბეჭდეს. ის Givenchy-ს გამჭვირვალე კაბით იწონებდა თავს.

Maluma

კოლუმბიელმა პოპვარსკვლავმა, მალუმამ კი მაიამიში მოწყობილ წითელ ხალიჩაზე გაიარა.

Bebe Rexha

ნიუ იორკელი მომღერალი, ბიბი რექსა ღონისძიებაში მონაწილეობის მისაღებად ლოს ანჯელესს ეწვია. არტისტმა Christopher Kane-ს დიზაინით შექმნილი კაბა შეარჩია.

Zara Larsson

ლონდონში მყოფმა შვედმა მუსიკოსმა, ზარა ლარსონმა Versace-ს კაბა მოიხდინა.

Sam Smith

ლონდონში აღბეჭდეს ბრიტანელი მუსიკოსი სემ სმიტიც. მან არჩევანი თავისუფალ სტილზე შეაჩერა და ჯინსის ქურთუკი და შარვალი მოირგო.

Karol G

კოლუმბიელი მომღერალი, კაროლინა ნავარო Moschino-ს კაბით მაიამიში გამოჩნდა.

Anne-Marie

ბრიტანელი მუსიკოსი, ან მარი კამერებმა ლონდონში გადაიღეს.

Madison Beer

ამერიკელი მუსიკოსი, მედისონ ბირი წითელ ხალიჩაზე Vivienne Westwood-ის აბრეშუმის კაბით გამოჩნდა.

Anitta

ბრაზილიელი პოპვარსკვლავი, ლარისა დე მასედო მაჩადო რიო დე ჟანეიროდან მიესალმა თაყვანისმცემლებს. მან Dolce & Gabbana-ს შავი კაბით მიიქცია კამერების ყურადღება.

Little Mix

ცერემონიას ლონდონიდან გაუძღვა ბრიტანული ჯგუფი Little Mix. აღსანიშნავია, რომ კოლექტივს ჯანმრთელობის პრობლემების გამო გამოაკლდა ჯესი ნილსონი.

Little Mix

საუკეთესო პოპ პროექტის კატეგორიაში გამარჯვების შემდეგ, გოგონები მოპოვებულ ჯილდოსთან ერთადაც გამოჩნდნენ კამერების წინაშე.

24kGoldn, Omer Fedi & Iann Dior

ლოს ანჯელესის წითელ ხალიჩაზე ერთად გამოვიდნენ ახალგაზრდა სან-ფრანცისკოელი რეპერი 24kGoldn, წარმოშობით პუერტორიკოელი ჰიპ ჰოპ არტისტი Iann Dior და მათი ერთობლივი ჰიტის Mood პროდიუსერი Omer Fedi.